GEUS ampir sataun novel kuring Perang Bubat medal. Ceuk penerbitna, nyaeta Qanita/Mizan, citakan kahiji best-seller, beak jero tilu bulan.Ayeuna ge citakan kadua jiga geus hese da teu sakabeh toko buku badag, nyadiakeun buku PB, sakumaha anu diterangkeun ku para mitra nu nareangan novel PB.
Bisa jadi ieu buku lain alus-alus teuing boh ceuk palanggeran sastra boh ceuk palanggeran elmu sajarah. Ari sababna, sanajan geus puguh aya "juntrungna" sajarah Perang Bubat sacara tinulis jeung dianggap babon sajarah, tapi kuring kalah kumacacang neangan "sumber sejen" luareun ti eta.
Sapuluh taun gupuy-gapay jeung rumpu-rampa, ti mimiti ngajugjug sisi-sisi Kota Surabaya, Trowulan, tepika wilayah Bubat, sakur kolot anu ngaraku apal kana kajadian di Bubat mah didatangan jeung ditanya.
"Putri Dyah Pitaloka tidak mati bunuh diri, kok ..." ceuk kolot urang Lawang Sumber, hiji tempat sisieun Kota Surabaya. Kayakinana teh kieu. Bada kajadian palagan Bubat, Papatih nu satia ka Gajah Mada cacarita. Yen sarengsena kakacowan di Bubat, Putri Dyah Pitaloka teu kasampak. Euweuh saurang ge warga Wilwatikta anu mireungeuh jasad Sang Putri, tapi Prabu Hayam Wuruk langsung ngumumkeun yen Putri Sunda tiwas nelasan maneh.
Inpormasi anu sarua datang ti padaleman Ciamis. Ieu ge ceuk kolot anu nyebutkeun ye basa Perang Bubat, datang sarombongan pandita ti Majapahit, dikawal ku para perjurit. Datangna ka Hyang Bunisora mamandapan menta hampura kana kajadian di Bubat. Kituna teh bari masrahkeun welasan guci dieusian abu jenasah. Dua guci di antarana disebutkeun abu jenasah Putri Dyah jeung nu janten rama, Prabu Linggabuana. Ngan bae lebet manah, Hyang Bunisora nyarios heran, naha dua guci nu ieu teu dilengkepan ku titinggal nu maot, kapaa boh Linggabuana boh Putri Dyah, waktu iang ka Majapahit teh, marake pakean di antarana kawangge tina emas. Ngan ku sabab sieun jadi nimbulkeun masalah anyar, eta panalek batin ukur disidem. (Hanca) ***
Tidak ada komentar:
Posting Komentar